بعد شوية، جوزي دخل وقعد جنبي وقال: «بصي، أنا مش عايز أظلــ,,ـــــمك، بس التوقيع شبه توقيعك فعلًا.» بصيت له والدموع في عيني: «يعني إنت مصدق الورقة أكتر مني؟ إحنا عايشين مع بعض بقالنا سنين، عمرك شوفتني بمد إيدي على حاجة مش حقي؟

» نزل راسه وسكت. قولت له: «أنا مش خايفة من الورقة، أنا خايفة من اللي عملها، وخايفة إنك تظلــ,,ـــــمني قبل ما تعرف الحقيقة.» خرج من الأوضة من غير ما يرد. تاني يوم الصبح، صحيت على صوت خناقة بره.

خرجت لقيت سلفتي واقفة مع أخو جوزي، وبتقول له: «أنا قلت لك من الأول، لازم الموضوع يتقفل قبل ما هي تقلب الدنيا!» أول ما شافتني سكتت. بصيت لها وقلت: «كملي يا سلفتي، كنتِ بتقولي إيه؟» ردت بعصبية: «وإنتِ بتتنصتي على كلام الناس ليه؟

الأكثر قراءة الان

سلفتىمنذ 3 أسابيعوجدت فى هاتف زوجى صورة لامىمنذ أسبوعينليلة فرحنامنذ شهر

» قولتلها: «أنا في بيتي، وإنتِ واقفة بتزعقي تحت أوضتي! وبعدين أنا مش هسكت لحد ما أعرف مين اللي زوّر توقيعي.» أخو جوزي اتدخل وقال: «استني يا جماعة، محدش يتهم حد بحاجة قبل ما نتأكد.» لكن سلفتي انفعلت وقالت: «أهو ده اللي أنا خايفة منه!

كل حاجة عندكم لازم تتغطى، واللي غلطان يطلع منها زي الشعرة من العجين!» في اللحظة دي، جوزي خرج من الشقة، وكان واضح إنه سمع كلامها. قال لها: «بما إنك متأكدة أوي من كل حاجة، يبقى مفيش مانع نروح الشهر العقاري ونتأكد من الورقة، ونطلب فحص التوقيع لو لزم الأمر.

» وشها اصفر فجأة. حاولت تضحك وقالت: «شهر عقاري إيه بس؟ هو إحنا هنكبر الموضوع ليه؟» جوزي رد عليها: «إنتِ اللي مصممة إن الورقة صحيحة، يبقى نتأكد.» فضلت ساكتة، وبعدها دخلت شقتها وقفلت الباب بعنــ,,ـــــف. كنت فاكرة إن الموضوع انتهى عند كده، لكن اللي حصل بعد الظهر كان أغرب.

كنت بنضف المطبخ، ولقيت ابني داخل عليَّ ومعاه موبايل قديم كان بيستخدمه في اللعب. قال لي: «ماما، هو طنط مرات عمي كانت بتتكلم مع مين امبارح في البلكونة؟» قلبي دق بسرعة، وسألته: «ليه يا حبيبي؟

» قال لي: «أصل أنا كنت عند الشباك، وسمعتها بتقول لواحدة: الورقة وصلت له، فاضل بس نخليه يصدق إن مراته هي اللي مضت.» حسيت إن رجلي مش شيلاني. سألته: «إنت متأكد إنك سمعت الكلام ده؟» قال لي: «أيوه يا ماما، وكنت فاكرها بتتكلم عن حاجة تانية، بس لما شوفت الورقة النهارده افتكرت كلامها.

» حــ,,ـــــضنت ابني، وطلبت منه ما يدخلش نفسه في مشاكل الكبار، لكن جوايا كنت بدأت أربط الأحداث ببعض. قشر اللب اللي كانت بتوقعه عندي، واستفزازها المستمر، ومحاولتها إنها تخليني أتعصب وأتشاجر معاها قدام الناس، وبعدها ظهور الورقة فجأة!

هل كانت بتحاول تستفزني علشان تعمل لي مشكلة أكبر؟ قررت إني ما أواجههاش بأي حاجة قبل ما يكون معايا دليل. وبالليل، جوزي رجع من عند أخوه، وكان ماسك ظرف صغير. قال لي: «أنا عايزك تقعدي وتسمعي اللي هقوله للآخر.

» قعدت قدامه وأنا قلبي بيدق. فتح الظرف وطلع منه صورة لورقة تانية، وقال: «أنا رحت لأخويا، وطلبت منه كل الورق القديم اللي كان عند أبوه. ولقيت مستند تاني بيخص نفس الشقة، بس فيه حاجة غريبة جدًا.» سألته: «إيه هي؟